陳柏宇（Jason）早前為新歌《唞》拍MV，請來林家熙（Locker）及作曲的樂隊野佬（Yellow!）一同參與拍攝。
Jason去年出席頒獎禮時在後台巧遇野佬，立即向對方邀歌，希望能擁有一首麻甩、日系、有野佬風格的作品。野佬成員小胡回憶︰「Jason問我哋有冇歌，仲話好想要野佬啲歌。我哋好快速，半年後就完成首歌畀佢。估唔到Jason好慷慨， 一聽就話好正，仲話不如一齊玩，就促成咗今次嘅合作。」他透露創作《唞》的旋律時，隊友何兆基發現主歌部分有點似古天樂的《男朋友》影子，為免引起誤會，大家投票後決定修改。小胡說︰「唔係刻意抄襲，但唔小心哼咗人哋啲歌都唔出奇。」
拍攝MV當日，Locker扮演工作時遇到不同住客的大廈保安，Jason及野佬就飾演住客。Locker說︰「我喺MV入面有打鬥戲、有感情線，同Jason亦有文戲，好似拍緊一套戲。Jason喺MV入面係一個好煩嘅租客，係咁不停講。我哋拍攝嗰陣雖然唔收音，但Jason可以每個Take都有唔同嘅內容可以講到出嚟。如果佢唔做歌手，可以去開棟篤笑。」Jason 拍攝時由按摩講到寵物，令現場工作人員忍不住爆笑。
