新城廣播有限公司首席營運總監馬浚偉先生成立的《新城體育會》，昨晚（8日）再次舉辦羽毛球活動，與施匡翹（Zaina）、黎展峰、獨立樂隊Charming Way主音張明偉及隊友黃嘉麟切磋球技，齊齊出身汗之餘，在運動中互相深入了解。
看到張明偉和黃嘉麟，馬浚偉即表示有留意他們的樂隊，令2人開心不已。面對幾位幹勁十足男生，馬浚偉輕易而舉將他們逐個揮低，開波期間，馬浚偉對住張明偉表示：「我玩音樂冇你哋咁叻，但打羽毛球就唔同。」眼見張明偉被自己打得落花流水，頻頻彎腰執波，就連鞋帶都甩埋，馬浚偉笑說：「你諗住綁鞋帶拖延時間？」張明偉也忍不住大笑。
張明偉事後大讚馬浚偉：「一直都知道馬生係羽毛球好手，喺電視台未有機會合作，終於可以同馬生打羽球，梗係要嚟朝聖，我哋行內他好有名，打得好好，成個選手咁。我細個有玩羽毛球，但稱唔上叻，今次出身汗大家都開心。」
自言中學已沒接觸過羽毛球的Zaina，透露比較喜歡瑜伽和跳舞，她表示：「我記得拍《我》劇時，有一場戲係同馬生、湯寶如前輩一齊打羽毛球，重拾番感覺。」
