張致恒（Steven）和太太區燕雯（雯雯）育有4名兒子，兩人財困多年，不時在社交平台出Post呻慘，求網民幫忙。今天（12日）母親節，雯雯再在Ig限時動態發文，她疑再次鬧爆老公Steven：「搵晒工、問晒資料、安排晒，都可以咁多籍（藉）口唔去見，其實根本就係揀工，永遠都一堆廢話，解決自己點解冇錢，《廢》！」
隨後她再在Ig限時動態談及自己苦况：「要在兩日內變大錢，除非中六合錢（彩），如果唔係，只有行最後一步，只有行到呢一步，就可以重新生活，加油﹗一定冇事，只有捱過一次，一切就解決。」接着再寫道：「為咗兒子和狗狗，我一定得，什麼都不怕，只要唔係殺人放火，其實都係一個行業。」不過雯雯未有透露做哪個行業及在兩日內怎樣掙大錢。
