CHILL CLUB頒獎禮｜與MC張敬軒齊奪大數據至尊歌手獎 姜濤望大家繼續撐樂壇 (23:20)

《CHILL CLUB推介榜年度推介23/24》今晚（12日）於亞洲博覽館舉行，ViuTV特別新增獎項「MOOV大數據至尊歌手」頒予張敬軒、姜濤及張天賦（MC）。張敬軒因事缺席，只有首次同台的姜濤及MC上台領獎。

MC表示︰「多謝每一個會喺平台度收藏下載播放聽我嘅歌，希望可以有更加多嘅音樂做到畀大家聽。」姜濤說︰「多謝每一位支持我哋嘅歌迷，無論係支持我哋邊一位歌手都好，好衷心地多謝每一位，因為有你哋每一位嘅支持，先會有呢個咁熱鬧嘅樂壇，所以好多謝大家，希望大家繼續支持呢個樂壇。」

（即時娛樂）