男團MIRROR昨晚（12日）CHILL CLUB頒獎禮冧莊奪年度組合獎，不過陳卓賢（Ian）在呼聲高之下輸給林家謙，失落唱作歌手獎。
Ian事後受訪時說：「我覺得有獎攞或冇獎攞，唔代表贏輸，出歌亦唔係為攞獎，大家會聽我嘅歌，就係最好嘅獎，Ian依然係唱作人，唔會因為冇獎而變咗唔係，真心嘅，真係冇失望。」
邱士縉（Stanley）膺年度男新人獎，獲隊友讚叻仔，問可有吐氣揚眉之感？他說：「又唔係，最開心係相信我冇13萬粉絲，要多謝其他鏡粉同鍾意首歌嘅朋友。」他表示沒有特別想過是否因在演唱會一脫成名，至於可認為獎項是送給已故媽媽最好母親節禮物？他說：「係！其實都幾特別，因為歌曲去年母親節出，咁啱今年母親節得呢個獎。」
副隊長江𤒹生（AK）獻唱日文歌獲得不少掌聲，問可有計劃出日文歌？他說：「我嘅日文一啲都唔叻，只係識呢兩首歌，唱日文歌可以背歌詞，我覺得能夠應付到，不過要溝通係兩回事，我有學，但最近比較忙停咗，希望有機會再進修。」
