陳自瑤（Yoyo）、賴慰玲（Winki）、黎諾懿及羅天宇主持的《香港婚後事》，第7集嘉賓是吳若希（Jinny）。Jinny一向被視為「敢言代表」，她自認有自己一套想法︰「我會將好多人擺喺心裏面唔敢講嘅嘢，全部講晒出嚟。」提到她不時在網上「公審」丈夫Alex，Jinny解釋：「好多人覺得家醜不可外揚，但我唔係，唔啱嘅嘢我講咗好多次，而你都係唔聽嘅時候，我教唔到，咁就由出面嘅人教你，我係咁嘅心態。老公冇投訴，佢知道佢講咗都冇用。呢套方法唔係每個人都適合，要視乎另一半性格。」黎諾懿說︰「我自己唔得，如果老婆將家事擺上網，我會好嬲。」Jinny被問到會否擔心被指女權至上時笑言︰「唔介意，冇所謂啦，幾好，咁樣我可以幫到老公擋好多嘢，佢唔想去嗰啲局，佢就會話我老婆唔畀！」
