林智樂入職場 避免衝動及控制情緒 邀林德信拍新歌MV (16:06)

文章日期:2024年05月17日

歌手林智樂(Felix)接受黎莉主持的新城《勁爆樂勢力》訪問,宣傳新歌《年輪海》,Felix透露新歌並非情歌,而是一首關於時間和成長類別的歌曲,他稱:「監製Cousin Fung叫我錄音時,當自己係一個好老嘅人,喺棵樹下分享自己嘅故事,畀天真爛漫小朋友聽,我聽到佢咁講就好有感覺,嗰一take覺得自己唱得最好嘅。」

入行逾兩年﹑20歲的Felix表示過往未曾正式進入過職場,一路走來都戰戰兢兢,他稱:「要控制自己情緒同避免衝動,我有時會好冷靜,但有時都頗衝動,因為自己冇真正入過職場,所有人都好似訓練緊自己,當然遇過好人、貴人同畀磨練你嘅人,每段經歷受過教訓後,就會知道點樣避開佢。」

談到在《年輪海》MV中扮牛仔布裁縫師,Felix透露整個構思是由公司同事提供,他表示:「今次好快已經知道首歌係講時間同成長,於是佢哋諗到牛仔布都要經歷好多重洗水、染、剪先成為大家見到的牛仔褲,同時間人生好有關係,都要面對好多唔同嘅難關,所以就攞嚟做MV主題。」

談到林德信(Alex)在MV中驚喜現身,對於為何邀請對方演出?Felix表示公司得悉對方熱愛牛仔時裝,對牛仔布亦甚有研究,故提議找他演出,Felix稱:「我話如果Alex肯當然好啦,跟住佢又OK,於是佢嘅出現就成為呢個MV嘅彩蛋。」

(即時娛樂)

相關字詞﹕林智樂 年輪海 林德信