前港姐陳楨怡（Celina）日前為柬埔寨金邊一間酒店周年活動登台，同場還有曹永廉﹑李施嬅及趙永洪，Celina身穿白色貼身短裙，展示白滑玉背及騷美腿，以最佳狀態為她首次海外工作、首次做司儀、首次獻唱，將3個第一次獻給柬埔寨。
首次擔任司儀兼唱歌的Celina，雖然綵排時比較緊張，但在2位前輩曹永廉及趙永洪指導及鼓勵下，阿廉還將新買耳機借給Celina，令她在台上清楚聽到後台導演臨場變化，讓Celina演出順利。Celina完騷後興奮表示：「真係好開心，係好好嘅經驗，第一次做司儀第一次唱歌，好多謝台下每位觀眾，氣氛好好，希望之後繼續多啲有機會出Trip演出。」
完騷第二天，酒店安排車帶Celina及團隊遊覽景點，欣賞當地風景，雖然氣溫有40度，但無阻Celina落車打卡，她說：「第一次嚟柬埔寨，一開始係有啲擔心，但係知道有好多藝人歌手都嚟過，開始放心，加上酒店出入口設安檢，非常安全，裏面都有好多地方行，又有個靚泳池，仲有好多好好食嘅餐廳，佢哋既建築物好靚，好想下次再嚟。」
