洪助昇獲「熊仔糖」辦派對 賀出道2周年 Aiden盼有個人騷 (21:17)

文章日期:2024年05月22日

洪助昇(Aiden)粉絲「熊仔糖」日前為Aiden舉行出道2周年慶祝派對。Aiden到場前,Fans早已到達場地悉心佈置,場內貼滿Aiden由《全民造星2》時參賽,直到現在的相片,還有大量Aiden演出或是電影電視劇照,現場播放Aiden歌曲,十分有心思。

Aiden甫到場,Fans立即起哄,場面熱鬧。提到出道2年,Aiden坦言感動,因為參加完《全民造星2》後,一直擔心能否實現願望成為歌手,他說:「比賽之後要去等一個機會成為歌手,有好多因素,亦都有好多未知之數,好多謝公司選擇洪助昇,令到我可以成為歌手。」轉眼間出道2年,Aiden表示要加快腳步多儲歌,希望能擁有一個個人騷。

有不少Fans從《造星》已開始支持Aiden,他說:「我記得《造星》之後有一段時間好氣餒,但佢哋不斷咁鼓勵我,等我出道,等咗差唔多3年,好多謝佢哋嘅堅持、多謝佢哋畀力量我。好多時候佢哋話我畀到力量佢哋,但真正令我堅持落去,係因為佢哋。」

有Fans向Aiden送上水泡,原來跟他推出歌曲《你不是我的岸》有關,他笑說:「我首新歌係講『沉船』,有好多fans佢哋都有沉船經歷,佢哋送水泡畀我,希望我唔好沉船,可以自救。」

(即時娛樂)

 

相關字詞﹕洪助昇 熊仔糖