黎諾懿自嘲家中零話語權 膽生毛問YoYo頒獎禮黑面傳聞 (14:05)

由黎諾懿﹑陳自瑤（YoYo）﹑羅天宇和賴慰玲主持的《香港婚後事》，今晚（23日）播出第9集。今集4位主持決戰四方城，大談對與伴侶同公司工作的看法，賴慰玲說：「少見啲會好啲，如果日夜喺埋一齊，冇自己空間會好辛苦！」羅天宇認為如果雙方都是藝人，則「有好有唔好」：「我覺得可以多咗共同話題，佢會明白你多啲。」之後講到家中地位，諾懿笑言自己對家中佈置零話語權，並自言是家中「水電工」。