《香港婚後事》今晚（24日）播映最後一集，節目主持為陳自瑤（Yoyo）、賴慰玲（Winki）、黎諾懿及羅天宇，嘉賓是羅子溢和李丞責師傅。
子溢和諾懿自認不是浪漫的人，諾懿自揭不浪漫求婚經歷：「我係拍醒佢（太太）求婚，我話師傅話要結婚，唔結就要等3年。之後我訂咗山頂間餐廳求婚，雖然佢又知我又知，但求婚戒指個盒喺褲袋，凸晒出嚟真係好唔掂，老婆都話真係好唔浪漫！」
子溢自言比諾懿好少少：「我係瞓覺前（求婚）。」諾懿續指自己在結婚當日，險遺失婚戒，更嚇到爆粗：「結婚嗰晚擺完酒，我已經（醉到）唔知戒指去咗邊，好彩有兄弟知道我係咁，一早幫我袋好咗！」兩人還會在節目中揭露不戴婚戒真相。
