林溥來（Patrick Sir）、何泳芍（Honey）、伍韻婷（Juliana）及涂毓麟（Oscar）主持的《開卷》明晚（26日）播出第100集，請來「香港四大才子」之一的蔡瀾擔任嘉賓。Patrick Sir推介蔡瀾的散文集《老友寫老友》，內容圍繞蔡瀾與老友倪匡的相處軼事；蔡瀾則推介其著作《在邵逸夫身邊的那些年》。對於被封為「香港四大才子」，蔡瀾立即掩着臉說怕醜。
蔡瀾在節目中談及已故好友倪匡時笑言︰「佢唔係人嚟㗎，佢係外星人﹗我好掛住佢，佢係我可以傾得埋嘅人，其實呢個世界唔係幾多。」Patrick Sir問《老友寫老友》所寫的是否都是真事時，蔡瀾笑言：「倪匡先生一向都話真定假唔緊要，男女之間都大把嘢寫啦，佢話︰『你睇我個妹（亦舒），食咗咁多年老本！』」談到其寫作風格簡而精，蔡瀾坦言：「想畀多啲嘢人哋睇，你就唔應該寫人哋唔明嘅嘢。」
Juliana問蔡瀾是否享受寫作，蔡瀾反問：「唔享受寫嚟做乜？」Juliana答：「寫嚟搵錢﹗」蔡瀾淡淡然一句：「錢我夠多喇﹗」蔡瀾說他喜歡讀書人有一種特別的面孔：「呢個面孔好犀利，去到邊都可以蝦太俗氣嘅人。」
