李幸倪（Gin）今天（25日）出席《2024香港傑出大學生選舉》開幕禮，以其自身經歷鼓勵同學，她說︰「清楚自己嘅方向好重要，讀書嘅時候除咗係用知識裝備自己，同時亦可以參與唔同嘅活動，畀自己多啲體驗，放大我哋嘅眼界。香港好需要正能量，雖然我今日好早起身好眼瞓，但係短短坐喺度幾分鐘已經感受到大學生們嘅正能量。」
Gin認為現在的學生比上一代靈活多變，踏入社會工作前已能做好準備。她表示︰「如果仲諗緊嘅，唔好諗啦，做咗先啦！呢個世界有好多唔同嘅聲音，我哋要識得分邊啲係對我哋好嘅說話，有建設性嘅就去聽，有啲係唔好嘅，我哋就唔好理佢，同佢哋告別然後繼續向前。」
Gin這天以星級評審身分出席活動，她自言在整個評審團中屬小朋友級別，但仍希望與同學們分享自己的經驗。Gin說︰「我喺讀書時代會參與唔同活動，知道有啲活動有獎學金，自己都會去試吓，想為屋企人減輕啲負擔。讀大學嗰陣，我已經自己掙生活費，我覺得自己都係個責任心好重嘅人。」
