合共4集的全新育兒真人騷節目《學神爸媽Get Set Go！》，由5月30日起，逢周四、五晚上十點半翡翠台播映。節目分別邀得「學神爸媽」袁偉豪、張寶兒，及「老手爸媽」森美和吳若希接受連串「育兒」挑戰。
袁偉豪（Ben）與太太張寶兒，去年11月誕下兒子「袁咕碌」袁晞祐，2人只有5個多月湊仔經驗，在節目中開口表明要外援：「我哋每一日都喺度諗，袁咕碌嗌兩聲係代表啲咩呢？需要每日學解讀佢嘅需要，我哋要請人幫一幫我哋。」Ben還自稱「大細路」，兼曲線冧爆老婆：「你湊仔年資唔止五個月呀，計埋我呀，7年。」寶兒聞言即回應：「係呀，7年零5個月。」
另外，製作組每集安排兩輪不同難度任務，考驗新舊組別爸媽，每集都要上陣應戰的Ben、寶兒及吳若希，則分別以「冷面湊B大法」、「以退為進溫柔大絕」及「BB話同聲同氣攻擊大法」，應付撠手個案，當中以阿Ben「出事率」最高；令人意外的是，湊小朋友7年的吳若希，成功率竟不及「學神媽咪」寶兒，吳若希事後亦大讚寶兒：「我覺得寶兒係100分。」
