林家謙月中在ViuTV《CHILL CLUB頒獎禮》贏得「年度唱作歌手」，他當晚因事缺席，由Tyson Yoshi上台代領。Tyson代好友致謝辭時笑言︰「佢話...佢話...唔係佢勁，係你哋廢﹗」家謙日前憑新歌《喃嘸師感官漫遊》奪得《CHILL CLUB推介榜》冠軍，他現身節目獻唱，順道領回唱作歌手獎時，特意為Tyson的言論澄清。
早前台灣金曲獎宣布入圍名單時，主持叫錯家謙做「陳家謙」，他這晚在《CHILL CLUB》中繼續「自抽」以「陳家謙」介紹自己︰「大家好，我係『陳家謙』，今日好開心喺度攞咗呢個真嘅『CHILL CLUB年度唱作歌手獎』，當日領獎嗰個並唔係我，個獎都唔係我。呢個係真嘅，我想呢度發表感言，唔係我勁，亦唔係其他人廢，係我好彩！多謝每位投票嘅樂迷。」
