黃宗澤（Bosco）、蔡潔、吳啟華、陳瀅、羅子溢、洪永城等一眾邵氏網劇《執法者們》演員，昨晚（3日）到九龍灣出席煞科慰勞宴，曾傳過緋聞的Bosco及蔡潔第8次合作，首次演夫妻。
Bosco席間直呼蔡潔做老婆，指經7套劇磨練之後，終能與對方演一對，劇中是一名愛妻號，他說：「仲有得惜，咁靚嘅女仔，有得惜當然好惜，我哋太熟唔會尷尬，但呢個唔係重點，因為係悲慘故事，呢部係為一個女人喊得最多嘅，經歷生離死別，好慘，不過都要懶有型，唔可以畀林峯Chok晒。」
蔡潔大讚Bosco做得好好，她稱已接了宣萱捧，已成為拍劇「被綁架專業戶」，Bosco大爆蔡潔劇中有超性感演出，他說：「我都諗能唔能夠播出街，雖然我喺現場，但劇情與我無關，上次佢騷玉背，觀眾要留意佢今次有乜嘢突破。」問可擔心又傳緋聞？他說：「都傳過，再傳都傳唔到咩出樣。」
