林熙彤拍廣告變身小助手 獲拍檔周殷廷貼心照顧 (16:20)

文章日期:2024年06月05日

林熙彤(Hazel)日前伙拍周殷廷(YT)拍攝洗髮露廣告,變身小助手跟飾演偵探的YT一同調查籃球場上誰是發出臭味的真兇。她在找出真兇後更為臨時演員速洗頭髮,獲在場工作人員大讚有搞笑天分。Hazel身形嬌小,與高大健碩的YT在身高上甚有距離,因此獲安排站在蘋果箱上拍攝。換位置的時候,YT細心為她搬蘋果箱,又為她撥弄亂了的頭髮,視她如妹妹般照顧,十分貼心﹗

首次跟YT合作,Hazel說:「能夠同YT合作真係三生有幸,佢好有風度,真人同上鏡都咁靚仔,又有才華!知道佢都係導演,雖然今次合作好短時間,都覺得佢做演員真係好專業,希望將來有機會可以喺唔同範疇合作,等我偷吓師學吓嘢。」Hazel目前正在拍攝ViuTV新劇《哪一天我們會紅》,她開心再有新挑戰︰「今次呢套劇對我嚟講係一個新挑戰,所以我好用心去做,希望大家除咗見到我可愛一面,都會帶畀大家新鮮感。除咗工作,我仲兼顧讀書,已讀完Year 3,嚟緊會讀Year 4,好充實!」

(即時娛樂)

 

相關字詞﹕林熙彤 周殷廷