TVB育兒真人騷節目《學神爸媽Get Set Go！》今個星期的嘉賓繼續是袁偉豪、張寶兒及森美，他們將在今晚（6日）播出的新一集中接受3個任務，第一個任務是陪伴6歲的小妹妹Kyra玩層層疊及坐定砌好一幅拼圖，並從中找出Kyra難湊原因。袁偉豪、張寶兒率先出動，怕陌生人的Kyra見到他們後不敢開口說話，更不時出現䟴腳情况。有21年育兒經驗的森美隨後出場，以「扮搵人」、「扮唔識」、「搞氣氛玩互動」及「事後檢討」成功𧨾掂Kyra。袁偉豪見狀企圖干擾森美，反被森美取笑似賊。完成首個任務的森美事後分享湊細路心得：「小朋友好得意，你以為問佢佢就會答？其實唔係，要問得啱、啱情緒、啱時間、啱氣氛，要好似追女仔咁樣！」
