江若琳（Elanne）與丈夫蕭唯展（Oscar）的兒子立鈞（Owen）1歲生日，夫婦2人為他開派對慶祝。Elanne昨天（7日）在社交平台上載記錄了兒子由出世起至1歲生日會的成長片段，表示過去一年雖然很疲累，卻感到從未有過的快樂。
她說︰「媽咪我忙咗一整日，oh sorry 係原來忙咗一整年了﹗趕得切喺12:00前為你記錄呢一年嘅成長。今日係你一歲生日啦，我做咗你媽咪一年啦﹗自從你出世開始，我每一日都好似打仗一樣，追趕住你成長嘅速度，參與你每一日嘅改變，唔想錯過你成長嘅每一刻。雖然每日長期頂住個眼圈，但呢一整年我感到前所未有的幸福！感恩我擁有一個愛笑，不哭鬧的你。只要有你嘅地方，我都覺得好溫暖。呢句說話，好希望你將來長大後，都會同番媽媽爸爸講。奧雲雲，1歲生日快樂﹗我哋希望你繼續乖乖健康快樂咁長大就可以啦！Love you forever﹗」
