容祖兒下周日（16號）44歲生日，日前和一班圈內外好友提早慶祝，當中包括蘇志威與劉小慧的25歲大女Yumi。曾遠赴日本學整甜品、回港後開設餅店的Yumi，更親自製作了一個具備祖兒心愛元素的生日蛋糕。祖兒看到蛋糕上有其愛犬及鍾情多年的兔公仔十分高興，在社交平台公開多謝蘇志威，她說︰「多謝蘇志威生了一個咁乖乖嘅女兒﹗」
原來Yumi是容祖兒的粉絲，她在社交平台分享派對合照、蛋糕照片及留言︰「要將呢一晚記錄在案。咁多年話整話整，都未真係送到過蛋糕畀你，容祖兒，今年終於有機會！夾埋阿勳、 LOFT 21整個驚喜畀你，希望你喜歡﹗我本身諗住噚晚會影好多相嘅，奈何這位女士話咁快就醉醉地。黑圖就有幾張不過就唔同大家分享啦，好彩嘅係醉醉地之下都唱返首《九秒九》，live就是好聽。我都可能飲咗兩杯就壯膽，喺原唱同mv主角面前唱《鏡子說》，哈哈，不過能夠同我偶像一齊唱歌真係開心。」
不少網民留言讚Yumi樣子甜美，似足媽媽劉小慧。
