葛民輝、邵美君、梁祖堯、湯駿業將於8月合作演出風車草黑心喜劇《Di-Dar》。葛民輝時隔10年再演舞台劇，稱當年覺得熱血的人才會參演舞台劇。他說︰「因為條數好難計，個個都話好似大家夾錢打高爾夫球咁，得啖笑，覺得件事好奇怪，不過依家人工已唔卑微。」葛民輝自言演舞台劇經驗不多，難得有人賞識，風車草劇團又是其心目中的名牌，加上彭秀慧盛意拳拳邀請，更特別為他加插情慾線。葛民輝笑道：「我要救番呢個角色，所以決定做，情慾線就係飾演訓導主任嘅邵美君，聽到係喺電影《填詞L》飾演我老婆嗰個大媽，真係幻想唔到佢哋所形容嘅美女。」
