古天樂（古仔）昨晚（10日）出席《九龍城寨之圍城》謝票，談到日本人氣舞蹈女團Avantgardey日前來港出席活動，並表演古仔經典歌《今期流行》，她們希望7月來港開騷時，邀古仔戴她們假髮一齊跳《今期流行》，古仔即耍手說：「夠啦，佢哋跳就算。有朋友傳Avantgardey表演條片畀我睇，仲以為朋友整蠱我，完全冇諗過首歌咁多年，仲被翻hit，佢哋跳得好好，邀請我可以去睇騷，但唔會上台一齊跳。（會否再唱歌？）唔好啦，我𠵱家去卡拉OK都唔唱，以前都有啲唱歌癮，𠵱家都冇埋。」
相關新聞：古天樂率《九龍城寨》演員謝票迎破億票房 逾百人排隊等伍允龍合照
