關智斌（Kenny）為「香港結婚節」擔任表演嘉賓，並唱出《總有一站愛上你》及《勇氣情歌》兩首歌，逾百名fans到場支持。
剛於內地完成6站巡迴演唱會《關智斌時光機巡迴音樂會》的Kenny表示，很久未有在香港演出，看到很多Fans來支持，他說幸好Fans沒有忘記他：「見到好多Fans抱住佢哋自己個女、自己個仔過嚟，覺得時間飛逝感覺。」
未知是否太興奮，Kenny唱《勇氣情歌》時突然忘記歌詞，台下Fans「補位」大聲叫唱，但Kenny也立即叫停，決定重唱，他說：「其實首歌喺巡演時每一場都有唱，突然間back out咗，為咗回饋現場fans嘅支持，要重新唱一次畀大家聽。」
此外，Fans們悉心準備應援物，令Kenny感窩心：「因為以前好少見到，比如有時返屋企睇到佢哋畀我嘅禮物，全部係好有心機，比如畫一啲畫，又整咗好多精品公仔同我差唔多樣，我覺得好犀利！我嗰個年代唔係好多呢啲嘢㗎嘛，同埋我巡演時候，佢哋會安排好多嘢食，又有餐車，感受到𠵱家偶像派歌手嘅待遇，多謝佢哋令我感受到，我仲未有同呢個時代脫節。」
