溫碧霞（Irene）兒子何國倫（Xavier）日前由美國讀書放暑假返港，Irene和老公何祖光（Kenny）即放下工作，帶囝囝到主題公園遊玩兼餵企鵝，順道預祝父親節，享受天倫之樂。
Irene親餵企鵝吃魚仔，又和老公擲公仔，童心未泯，其中一家三口溫馨背影合照，Xavier已經高過Irene大半個頭，身形跟爸爸高大，Irene顯得嬌小。
Irene和囝囝已經有幾個月沒見面，今次團聚她大讚囝囝變得成熟：「佢大個咗好多，講嘢好成熟，已經好有自己諗法，時間過得好快，今次一家人喺埋一齊好開心，難得有假期，呢兩個禮拜有時間都會陪佢哋去玩，下星期又會去迪士尼玩。」
下個月Irene會暫停工作，專心陪囝囝放暑假，她表示：「暑假都會多啲陪佢哋，下個月我哋會去峇里島過生日，跟住一齊會去日本，希望過開心暑假。」
