MIRROR成員邱士縉（Stanley）獲邀成為日本某護膚品牌的首位男性形象大使，他早前拍攝宣傳照片和短片，特意提早到場做準備，主動向工作人員深入了解產品和拍攝細節。當工作人員細心介紹時，Stanley耐心聆聽，不時笑着說︰「哈哈哈！好鍾意『綠茶...表』呢個Idea，同我好夾，我本身都真係一個綠茶控！」
Stanley被問到可曾遇過「綠茶婊」時坦言︰「我估男仔呢方面都比較遲鈍，可能我以前被人『婊』過都唔知道，最多以為人家係有禮貌，唔係存有心機。我今日搵吓現場有冇，哈哈哈！」拍攝現場擺放了香氣撲鼻的甜品與飲料，Stanley未受誘惑，笑言「食一啖舉多10kg㗎」。
他談到未來計劃時說︰「希望未來有更多演出機會。可以喺音樂上獲得獎項（CHILL CLUB年度新人男歌手）好開心，但知道自己仲有好大進步空間，希望可以繼續喺音樂上有不同突破，同時希望喺拍攝工作上有其他嘗試。我明白音樂同演戲可以相輔相成，令自己面面俱全，所以未來會繼續努力，希望喺更佳狀態下遇到適合自己嘅作品，為大家帶嚟更優秀嘅演出，不枉粉絲嘅支持同愛護。」
