姚焯菲（Chantel）﹑鍾柔美（Yumi）和詹天文（Windy）合體舉行演唱會，她們將於7月20日假旺角麥花臣場館，舉行《音樂出沒Let's play together》演唱會，在舞台上以各自的歌曲，還有排舞師編排的勁舞，再加上特別安排的意外驚喜，和粉絲共度難忘暑假。
身在新西蘭的Chantel說：「顧名思義，Let's play together嘅意思就係一齊玩，冇嘢可以好得過係演唱會，見到粉絲都玩得同我哋一樣咁開心，非常期待今次演出，希望可以早啲返香港投入綵排。」
Yumi說：「除咗我哋3個嘅首本名曲，仲會唱一啲大家估唔到我哋會唱嘅歌，而且仲預備特別環節，等粉絲睇到我哋嘅努力，為我哋感到驕傲。」Windy則說：「係夏天開演唱會，梗係會有勁歌熱舞，已經同排舞師講要挑戰高難度動作，希望到時觀眾可以企起身同我哋一齊跳，享受現場熱鬧開心嘅氣氛。」
3位小花每天也相約好在指定時段，和製作團隊視像會議，決定歌單、形象、服飾及演唱會流程，務求屆時可以把演唱會做到最好。
