余德丞（Dickson）早前飛加拿大探親，返港後不久，日前又飛德國看歐洲國家盃開幕及揭幕戰，他原定今天（17日）返港並在電台開咪，豈料遇上火車延誤，令他最後未能上機，Dickson在Ig限時動態貼相及貼片，他先貼出行李照：「原本預早2.5小時到機場，點知火車個個站Delay，無英文公布Delay幾耐，終於趕唔到飛機。」
之後Dickson又貼出身在法蘭克福的片段，他在片中無奈說：「又點會估得到德國啲火車係咁唔守時嘅？你唔守時都唔緊要，你唔好遲個幾兩個鐘呀大哥﹗所以𠵱家喺法蘭克福呢度，要等到今（昨）晚九點，先再有下一班機，嘥錢不得止，仲要聽日返唔到工，返唔到工不得止，呢6個鐘唔知喺度做乜，決定喺度周圍行。」
