ViuTV節目《神之調酒師》今晚（17日）播出第6集，邀得何洛瑤（Sica）和P1X3L成員葉振弘（Marco）作嘉賓，練美娟（娟姐）笑問Sica：「你上次嚟我哋飲酒嘅節目（意指《晚吹－有酒今晚吹》），醉醉地又乘機示愛，今次再嚟到我哋飲酒節目，你有咩目的？」 Sica笑言：「今日嚟嘅目的係示愛10次！」娟姐聞言追問Marco：「你會唔會照顧飲醉咗嘅佢（Sica）啊？」Marco點頭表示會。
娟姐問2人如何評分參賽者作品，Marco指：「我諗住憑直覺！」Sica：「都係直覺！」娟姐笑言：「唔好問啦，嘥氣！」Marco回應：「Balance返吖嘛，你哋（娟姐及余迪偉），我哋係感性咁評分。」迪偉指著娟姐回應：「理性就唔敢講，佢通常飲到第二杯就無理性㗎啦！」
節目比賽來到第六集，已淘汰逾半參賽者，有被淘汰的潛力參賽者，將於本集進行復活賽，有人於復活賽中再次晉級，連同其他參賽者進行「第四回合：基酒」的比賽，展現他們的調酒技巧。
