同是《全民造星》出身的MC張天賦和柳應廷（Jer），將於8月30日（周五）在亞博Arena一同舉行音樂會，自公布後反應熱烈，掀起撲飛熱潮，早前公開換領的8月30日門票，甫推出被秒殺。大會宣布加開8月31日一場，並推出VIP門票，讓觀眾可以入場獨家觀賞Jer及MC的絕密綵排。
今次Jer與MC首度合作，2人已積極構思音樂的內容，當知道門票被秒殺時，2人感到興奮，Jer說：「本身都覺得唱一場唔夠喉，有得加場當然開心！」MC則說：「加場當然開心，因為可以有多啲機會，等更多嘅觀眾接觸我同Jer嘅音樂，睇到我哋嘅合作，而且一場唔夠喉，兩場就滿足啲。」
既然有兩場演出，2人可為此構思更多內容，讓每場音樂會變得獨一無二？Jer表示：「會同MC認真考慮，希望大家期待！」MC表示：「要睇同Jer嘅時間配唔配合到，能唔能夠有充足時間準備多啲表演，如果有娛樂性，同埋觀眾睇得開心嘅話，當然可以有多啲唔同嘅嘢啦！」
相關新聞：「造星」唱將首度合作開騷 MC柳應廷All In演出不設限
