TVB劇集《反黑英雄》昨晚（25日）播出第2集，祖耀（袁偉豪飾）為替女友阿婷（蔣家旻飾）報仇，出招對付仇人「西九王」無良（黃子恆飾）。祖耀與阿細（關曜㒞飾）利用昔日兄弟大鬼（陳少邦飾）給予的200萬，組織「少年軍」以送外賣形式販毒做蝕本生意，企圖搶走無良的客源。無良發現事有蹊蹺，命令手下捉拿「少年軍」其中一名成員番茄（林俊其飾），迫他說出幕後黑手是祖耀後，便命令手下將番茄掟落樓。飾演英文補習老師林冰的何沛珈（Roxanne）昨晚登場，飾演陳山聰戲中角色的女友。山聰在劇中身穿的便服全是日本潮流品牌，他在昨晚一集就換了4個造型，腳踏的更是私伙限量版波鞋，獲網友稱讚是「潮流教父」。
Roxanne被問到與山聰合演情侶有否乘機偷師時說︰「我性格比較硬朗，所以喺某啲位嘅演繹會硬咗啲，山聰就建議我可以撒嬌多啲。我哋一開始就要拍咗屋企戲先，所以都冇太多時間熱身，就要開始拍最親密嘅大部分戲。逢係一啲親密啲嘅接觸戲，我哋排戲時都會事先溝通好，所以冇好尷尬同緊張，反而最驚係有一場臨時加戲要山聰抱起我，我好驚我太重。」《反黑英雄》昨晚在騰訊視頻站內熱度值衝破20000，破了港劇在騰訊的歴史紀錄。
