陳俞希（Hailey）、李禹燊（Oscar）和黃汛一（Jake）主持的ViuTV節目《周六食花生》，後晚（29日）的新一集請來風車草黑心喜劇《Di-Dar》的團隊現身，包括葛民輝（阿葛）、梁祖堯、湯駿業和鄧家杰（Kakit）。梁祖堯表示阿葛的角色是全劇靈魂人物：「如果阿葛唔做嘅話，劇本就唔擺呢個角色。無咗校長呢個角色，成件事嘅去法就會唔同。」阿葛稱梁祖堯當初積極遊說他演出，又開玩笑指「個刻撞咗邪」，所以才欣然答應。因劇情需要，4人事前要學習「破地獄」。阿葛笑言：「大鑊過跳MIRROR啲舞，難10倍。」學會看通勝的梁祖堯在節目中即場為Hailey擇結婚吉日，他說︰「呢個禮拜都唔好結住呀，如果真係好趕要結，嚟緊14號可以。」Hailey哭笑不得表示︰「唔使咁趕嘅，起碼睇埋你個騷先喇。」
