適逢今年新城廣播有限公司33周年，在首席營運總監馬浚偉策劃下，推出全新台歌《沿途有我》，而台歌MV於昨日（1日） 凌晨12時，在新城廣播網絡電視MBO TV啟播的大日子首播。
《沿途有我》獲一眾歌手好友支持，新城廣播總動員合唱及拍MV，包括「鎮台之寶」薛家燕、「元祖級」兒童節目主持譚玉瑛、「股壇小辣椒」胡孟青、「鬼王」潘紹聰及資深音樂主持郭偉安等；MBO TV台長及新城廣播創作總監葉文輝、財經台台長魏美珍、知訊台台長程凱欣、藝人經理人及項目總監范振鋒、節目主持思敏、黎莉、歐陽德勛、漢陽、李紫昕、何基佑等，都有份獻Sing及拍MV。
家燕姐表示以往唱過節目主題曲，但唱台歌卻是第一次：「難得請到周禮茂為我哋填詞，首歌嘅旋律好好聽，歌詞好正能量，我好欣賞，雖然有啲難唱，不過OK嘅，做一首台歌，一定要令人覺得有正能量同挑戰性，幾十人一齊唱，呢個設計好唔簡單，證明佢哋好用心做，希望我唱出嚟唔會失禮，亦都知道喺Steven（馬浚偉）嘅領導下，大家都將所有台同節目做好，好感動。」
