關嘉敏在《福祿壽訓練學院終極對決》中，因神還原《中年好聲音2》亞軍譚輝智唱《屈到病》而人氣急升，連日來片段在網上洗版，就連本尊輝智也讚她：「使唔使咁似？」
今晚（3日）播出的《東張西望》安排譚輝智和關嘉敏首度碰面，2人初次碰面略顯尷尬，熱身後2人互贈高帽。譚輝智甫見關嘉敏真身時：「我哋咁樣睇係唔似，嗰下先睇到佢（扮嘢）功架，佢𠵱家完全唔係我啲樣，佢靚咁多，最難又要扮唔識跳。」關嘉敏聞言便說：「畀本尊（譚輝智）肯定咗，我真係好開心。」
譚輝智又表示當晚家中小朋友收看節目間，見到關嘉敏演出時也好奇問：「Daddy係咪輸咗？Daddy去咗邊？」譚輝智表示看完關嘉敏演出後，感到超開心：「我點會嬲？（關：驚畀你啲fans打？）唔會，佢哋超開心。」
2人在《東張西望》合體跳唱《屈到病》，神情及舞步都一致，十分搞笑，譚輝智說：「呢段片爆嘅話，佢（指關嘉敏）會再變身譚輝智，100萬啦（點撃率）！」事後關嘉敏在Ig貼出和譚輝智合照，並寫道：「最期待嘅畫面，同本尊同框。」
