容祖兒、林峯、周秀娜、沈月今天（4日）出席時尚品牌活動，祖兒身穿大Deep V套裝，相當性感。祖兒笑認「膠紙王」，對全世界出產的膠紙都很認識，盡量在不影響美感之下，做出安全措施，也對自己平板身材充滿自信：「我喜歡自己夠平的形態，不喜歡太立體，襯起時裝，不會分散大家欣賞時裝的注意力。」
祖兒近日被捕捉到在演出期間蹲低飲水时，跟Blackpink成員Jennie撞樣，祖兒覺得難以置信，她笑問：「我都好鍾意佢，邊度似呀？我做得佢表姐啦，係咪因為大家都係J字英文名，所以大家打錯字，亂咁寫咋？」
提到她與呂爵安（Edan）在網上音樂節目首度合作，祖兒最感驚喜的是沒有代溝：「 大家一齊唱歌傾偈感覺良好，但演出前我都有啲緊張，因為冇太多機會上音樂平台做呢啲演出，怕自己準備不足，做表演前問Edan有冇興趣一齊練歌，好彩演出前見面認識，唔會太陌生，佢係好聰明小朋友，唱歌同彈琴有下苦功。」
祖兒留意到樂壇有很多後起之秀，點名想跟江海迦（AGA）和鄧凱文（Moon Tang）合作，而祖兒新歌湊巧由AGA創作。
