TVB劇集《反黑英雄》昨晚（4日）播出新一集，講述樂怡（曾文心飾）因母親欠下巨債，被迫「下海」母債女還。她最後因過不了心理關口找阿賢（張振朗飾）求救。兩人離開時巧遇警察掃黃，情急下從窗口跳出屋外簷篷逃避警察追捕，更從2樓跳到車頂再落地奔走。張振朗全程親身上陣，更在沒有威吔的情况一躍而下，因此在拍攝前有點緊張，但最後還是咬緊牙關完成動作。
祖耀（袁偉豪Ben飾）弟弟阿細（關曜儁Leo飾）中槍，祖耀背着阿細找黑市醫生，阿細因失血過多情況危殆，祖耀為免親弟受植物人之苦，忍痛親手以枕頭焗死阿細，更在落手前為他整頓開心笑容。身材健碩的Leo體重達73公斤，比Ben重3公斤。Leo說︰「Ben話直頭好似操完腳咁，其實佢孭住我行咗好多日，Total拍咗3日，對佢嚟講真係十分之攰！最搞笑佢話孭完我之後唔使做Gym，成對腳都軟晒！Ben教我對腳內側要用力夾實佢，佢冇咁辛苦之餘，我亦可以做到軟晒感覺，所以佢大髀又攰，我大髀又攰。不過，我喺佢面前唔敢嗌攰，因為佢仲攰過我。Ben真係好好，唔會話攰就即刻叫我落嚟，因為佢真係想有攰嗰種感覺，好專業。」
