「泰國通」胡慧冲主持的長壽節目《冲遊泰國》將開拍第10輯，並請來黃婧靈（波波）加盟。波波昨天（11日）出發去曼谷進行拍攝工作時稱非常開心，期待此行能跟胡慧冲「學嘢」，更揚言一定會在節目中以水著現身。她說︰「陽光與海灘喎，絕對唔可以嘥咗呢個機會，已經準備定水著帶去泰國。至於帶咗幾多套泳衣就賣關子先，大家到時睇咪知囉！」談到被網民指身形發福，波波表示會努力保持最佳狀態，拍攝時只會淺嘗美食，好好管理身材。
胡慧冲談到節目又添食時說︰「多謝TVB可以畀我一個節目做咗10輯咁多﹗不過，我開心嘅同時，亦有啲擔心今次會唔會係《冲遊泰國》嘅結局篇，唔知之後有冇第11輯，所以要繼續做好個節目。」胡慧冲預告今輯除了波波，「冬蔭家族」亦會有新成員。他又表示為了波波而加入碧波暢泳場面︰「之前無論冬蔭妹也好，叉燒姐玲玲也好，去親芭提雅都特別受大家歡迎，所以希望今次去芭提雅都會繼續受歡迎。曼谷梗係唔少得，我哋仲會去一個叫大城府嘅地方，之前好多輯都想去嗰度，結果都冇去到，希望今次真係去到啦﹗」
