江若琳（Elanne）與丈夫蕭唯展（Oscar）的兒子立鈞（Owen）上月1歲生日，Elanne生B後主力照顧兒子，不時在社交平台分享生活逸事。Elanne日前（12日）在Ig公開與丈夫的WhatsApp對話截圖，Oscar叮囑太太不要弄哭兒子；Elanne把兒子在戶外玩耍的照片傳給他，Oscar又回覆「小心太陽」。
Elanne說︰「有人係喺生bb包之前同我講：仔唔可以縱，男仔嚟㗎，踢足球預咗會受傷㗎啦！要俾佢撞吓跌吓。到我生咗bb包，我每日會收到100句警告我嘅說話！例如：不要整親佢！不要整喊他 ！今日呢句：小心太陽，係咩新玩意！我到底仲有咩要小心？依家我再問佢：喂 你又話男仔要受吓傷？佢話：依家我接受唔到了﹗縱仔達人﹗老母每日心理壓力好大啫﹗」
前女子音樂組合Super Girls成員陳穎欣（Yanny）笑問︰「太陽有乜嘢要小心？」Elanne沒好氣回答︰「你問吓﹗」有網民表示Oscar應該是怕兒子被曬傷。謝安琪（Kay）在留言位置打上3個笑到喊的Emoji圖案，Elanne問︰「好煩，點搞好？」
