由梁思浩、黃紫恩（Jojo）及黃耀英主持的《直播靈接觸》，昨晚（22日）播出一集主題是「電影圈靈異事件」，請來嘉賓導演王晶現身說法。
導演王晶入行多年拍過不少類型電影，當中包括鬼片。他自爆一個拍鬼片原因，他笑說︰「鬼片成本低效益大，好多人鍾意睇，我哋乜嘢收得就拍，蝕本機會低。」梁思浩問及王晶跟已故動作巨星傅聲的靈異傳聞，王晶自言並不相信。
節目中思浩提到跟已故鬼才黃霑合作主持《城市追擊》，茶餘飯後霑叔慨嘆前世冤孽，王晶亦遇到類此情况︰「我覺得其實係『前生冤孽』，因為我好有原則、好硬頸嘅人。但為咗某個人，覺得就算犧牲一切，放棄底線都值得。」他直言這個人是自己前生冤孽，思浩追問是否願意為對方放下一切時，王晶說︰「我相信都放下咗好多。」
王晶最後覺醒因為霑叔前車可鑑，他說︰「霑叔嘅例子係一塊鏡警醒咗我，我醒係因為睇到佢，霑叔咁叻都咁樣，我無佢咁叻，所以我早啲放手，當然點都會痛。」王晶縱橫演藝圈數十年，合作過的女藝人稱為「晶女郎」，包括邱淑貞和關秀媚等，當中有不少傳過緋聞。
