馮允謙（Jay Fung）日前到新城廣播接受黎莉主持的《勁爆樂勢力》錄音訪問，宣傳新歌《在愛面前投降》，抱恙的Jay戴住口罩現身，他無奈表示：「條氣唔係好順，可能係敏感，又或者天氣太熱，一開聲就咳。」
節目甫開始，Jay興奮公布將於10月再次登上紅館舉行演唱會，他指去年底已得悉今年會開個唱，當時已開始做新歌，並計劃推出大碟，不過Jay坦言有一定壓力，他說：「壓力都係來自自己，每次開騷都會好珍惜，都想做啲未做過嘅事，我哋都儲咗好多『彈藥』，寫咗9首歌，再睇下派邊首先。」
提到新歌《在愛面前投降》，Jay大談他的愛情觀，他說：「細個覺得愛情係一種感覺，但好多時都好易散（分手），雖然愛情好複雜，但有時唔係純粹個感覺，係一個承諾。」
Jay坦言愛情對他來說十分重要，但無論是另一半或家人，總會有意見不合或爭執的時候，他說：「好似我同女朋友一齊都好長時間，耐咗一定有拗撬，但點樣去保持關係，有時真係要讓步，讓步嗰刻你可能覺得係輸，但你仍然同呢個人一齊，其實都係贏咗。」
