鄭秀文（Sammi）昨晚（24日）舉行第10場紅館演唱會，請來MIRROR成員柳應廷（Jer）現身，合唱歌曲《不要驚動愛情》。Sammi介紹Jer出場時，稱讚他的唱功非常好，不用懷疑。MIRROR曾於2019年擔任Sammi演唱會嘉賓，Sammi說︰「嘩，數數手指，上次同台已經係2019年，嗰次算係你哋第一次上紅館。」Jer回應︰「係呀，嗰次同今次感覺好唔同，上次12個人，成班傻更更，有班兄弟喺身邊陪住，今次得自己一個人特別緊張。今日綵排，同老師練咗好耐，和音同埋點樣分段唱好啲。」Sammi表示Jer很緊張，叫觀眾給他掌聲鼓勵。她續說︰「諗番自己以前去一個咁大舞台，都會好驚和腳震，但我覺得你今晚表現相當之好。」
