巴黎奧運各項賽事進行得如火如荼，而香港各電視台亦派員採訪直擊及訪問運動員，江旻憓奪金後，無綫主持何振然第一時間訪問這位「微笑劍后」，不少網民讚何振然問得好；
ViuTV記者饒家輝在採訪在64強止步的港隊柔道女將王嘉莉時，其訪問表現被網民洗版式怒轟，指他語氣又倔又差﹑似質問多過似訪問。
饒家輝問王嘉莉：「完成第一場奧運比賽覺得點？」王嘉莉坦言不滿意自己表現，饒再追問她：「唔滿意喺邊度呀？」王嘉莉回答：「其實係比賽前係咁研究，諗點樣防守得好啲，但最後都係做唔到。」饒家輝續問：「你賽前都講過想同佢鬥立技，但比對手拖到用寢技，最主要關鍵係咩呢？你有一刻做漏咗咩？」、「你覺得蒙古教練教你嘅嘢，呢場比賽你拎咗出嚟有幾多？拎到幾多嚟用？」
網民在社交平台洗版留言斥饒家輝：「審犯定訪問？ 咁唔尊重人都有。人地（哋）出戰奧運已經不容易。咁唔專業訪問我睇hoytv好過。」﹑「點解你地嘅記者可以咁無禮貌？」﹑「審問犯人咁，代表香港去到奧運已經好叻同好勁，請比返啲專（尊）重同禮貌。」﹑「貴台記者出國當面檢討本地代表前，請問有冇先檢討自己啲問題及態度？」﹑「可唔可以尊重下個運動員，真係唔好再搵哩個記者出嚟」。
