鄭秀文（Sammi）昨晚（28日）在尾場紅館演唱會上，直言看到「世一」女子重劍代表江旻憓在巴黎奧運奪得金牌後有感而發。去年成為香港電影金像獎影后的她說︰「記得有個主持人朋友問我，覺唔覺得人愈大愈難取得成功？我覺得要成功係唔分年紀，唔係年輕易啲，年老難攞啲。睇新聞見到江旻憓攞獎，我覺得好感人，睇到佢原來經歷咗咁多挫折，最終竟然攞到生命裏咁高嘅獎。我有絲絲同感，原來人生經歷過一啲磨爛同挫折，攞到獎嘅時候份外甘甜。大家同我一樣都會恭喜佢喇，呢場比賽相當精彩，就好似我喺電影呢場賽事，自己嘅最大體會就係無論陪跑又好，得或唔得時都好，永遠都要謹守自己崗位，唔好咁容易放棄，就算陪跑都要有陪跑嘅精神，我9次陪跑，最終去到第10次輪到我喇﹗」Sammi鼓勵觀眾活到幾多歲也要有夢想，她自言從10幾歲開始獲提名，50歲時終於得獎，就是不放棄夢想的最好例子。
