楊潮凱今年2月宣布太太江玉儀再有喜，上月透露第二胎是男仔，湊成「好」字。潮凱昨晚（1日）在Ig上載抱住初生兒子與太太在醫院病房內的合照，表示兒子Cayden已出世。
他代兒子自我介紹︰「大家好，我叫Cayden，大家可以叫我雞蛋仔。我一出世就喊得好大聲，中氣十足，大家多多指教！媽咪同我都好好，母子平安，多謝醫院嘅醫生同護士姐姐，一出世就照顧我，幫我沖涼同換片。聽講我有個好錫我嘅家姐叫Catharine BB，我都想快啲見到佢啊﹗爸爸見到我就話I love you，睇落呢個爸爸應該都OK，媽咪就直頭冇得頂啦，又靚又叻﹗」
