林德信（Alex）去年11月與拍拖5年多的圈外女友Candace結婚，今年3月「升呢」為人父，太太誕下女兒林明。Alex近日接受商台《星光背後》訪問宣傳與鄭嘉嘉合作的新專輯《Hyperspace》時，表示其生命軌跡重覆了爸爸林子祥的時間線。談及40歲前成家更成為父親，他坦言沒特別計劃︰「無特登計劃，有小朋友都係驚喜嚟。不過，我哋屋企成日講，我同我爸爸成個人生Timeline係一模一樣。佢大約11歲去外國讀書，我又係11歲過去；佢18、19歲由英國去美國，而我又係呢個歲數過去讀大學；佢返香港發展大約係24、25歲，跟住我又係！之後佢生我又係39歲，我覺得呢件事好神奇！」
