軟硬天師林海峰和葛民輝昨晚（3日）舉行《拉闊音樂會 軟硬廣播道3號FANS殺人事件》演唱會，表演嘉賓包括陳奕迅﹑草蜢﹑Kiri T﹑雲浩影﹑張蔓姿和Moon Tang。草蜢和軟硬相隔12年重聚舞台載歌載舞掀起回憶殺，全場High爆，不少網民留言期待他們再合體開騷。
阮小儀亦在Ig洗版式連環發文，她大讚好熱血，因為軟硬唱出903節目的主題曲包括《萬世巨星》﹑《早霸王》及《組Band時間》，在場的艾粒及森美和小儀都看得興奮。軟硬最後還邀請903一眾DJ同事包括森美﹑小儀﹑艾粒﹑朱薰﹑盧覓雪等，上台載歌載舞，小儀表示：「估都估唔到有份踏上軟硬個舞台。多謝軟硬令呢粒小fan屎感到自豪！」
小儀貼出和軟硬合照後並表示：「車 欠 石 更。今（昨）晚呢場拉闊，係我睇過咁多場拉闊入面最叫人感動同滾動嘅一次。黐線㗎，阿Jan同阿葛永遠都有驚喜帶畀人，大嗌大叫之餘，一路睇啲畫面，一路聽住你哋嘅歌，回憶返你哋嘅節目片段，人都癲呀，會笑住喊，喊住叫㗎。多謝成長時有軟硬，多謝Jan多謝葛，你哋真係瘋魔幾百萬人呀～」。
相關新聞：軟硬拉闊｜張繼聰睇到眼濕濕 謝安琪嗌感動：我回憶同青春
