張敬軒昨晚（3日）在多倫多舉行巡迴演唱會，地點是Fallsview Casino OLG Stage，軒仔演繹多首經典金曲，同時又在台上剖白內心世界，當他提到寫《笑忘書》時曾患鬱躁症，又指情緒最差的時候，連出門口都出不到，不少粉絲都被軒仔剖白牽動情緒，但此時竟有現場觀眾大笑又大叫，影響到軒仔真情流露一刻。
事後不少網民在社交平台重提事件，並表示睇騷要有「演唱會禮儀」，有網民斥該觀眾沒有家教：「張敬軒太善良，面斥不雅都特別溫柔，我睇尋晚啲片，真係唔知點解會笑得出，就好似當年張生喺廣州演唱會，播返佢抑鬱期間嘅自拍片，要幾大勇氣先會拎出嚟公開播，佢每滴眼淚我都好似被刀割咁，心疼到拿（𢲡）住，一路睇一路喊，但周圍啲人喺度笑，要幾無同理心先笑得出，呢單嘢，我到今日仲嬲緊。」
亦有歌迷提到：「今（昨）日喺Niagara falls睇張敬軒，真心覺得樓下嗰啲attention seeker觀眾，要學一咩係演唱會嘅禮儀，表演者認真mode講緊嘢就喺到叫，講depression嗰陣仲喺到唔知亂乜，真心唔係好笑嘢，識唔識尊重？」軒仔亦有留言回覆該網民：「我都有一下少少著咗﹗」
