女團VIVA昨日（4日）於尖沙咀及銅鑼灣舉行2場突擊快閃活動，跳唱出道歌《Topic Killa》及剛派台的第二首歌《DTR》，吸引眾多途人圍觀，不少fans收到風趕到現場力撐，氣氛熱鬧。
4人落力跳唱，觀眾反應熱烈，歡呼聲不斷。首次玩快閃驚喜，VIVA表示緊張又興奮：「第一次快閃，同埋只係出道咗2個月多啲，可能仲未係好多人認識我哋，有擔心過draw唔draw到觀眾注意力。好驚喜同開心一上台，已經見到好多人走埋嚟，多謝大家嘅支持，喺咁熱嘅天氣下停低睇我哋嘅表演。」
此外，4人異口同聲大呼快閃演出刺激又新鮮，希望以後可以多點不同類型演出，又透露將會有音樂會演出：「嚟緊8月17日我哋喺海洋公園有音樂節演出，希望到時見到大家啦！」最後VIVA與圍觀的途人及fans大合照，快閃活動圓滿結束。
