許廷鏗（Alfred）現身新城廣播接受知訊台台長程凱欣、麥卓華主持的《原來生活好快樂》訪問，宣傳新歌《聆聽世界這分鐘》，節目甫開始，兩位主持異口同聲說：「點解Alfred咁有型，明顯收咗身喎！」
Alfred之前驗出患有嚴重脂肪肝，為重拾健康身體，需積極減肥，他表示：「個肝要搞搞佢，身體上有啲警號，除咗喺飲食上著手，都開始做運動，我做呢個訪問之前，偷咗2個鐘去打羽毛球，出咗身汗。」Alfred指身邊有很多朋友熱愛打羽毛球，他笑言：「每次一call都有8、9人，去到場館就好似輪街症咁等打波。」
Alfred自爆和朋友打比賽，可惜輸了兩場，問對手是否很強勁？他笑指：「佢哋符碌啫！」Alfred透露早前跟鄭伊健的健身教練做Gym，對方教他在跑步機上唱歌，他認為這方法對歌手練氣甚有幫助，同時亦希望運動可以令身形更加弗。
