不時在網上批評樂壇後輩的周啟生，日前在facebook上載一張由其女兒幫忙製成的合成照，並說︰「今日想同大家玩一樣未玩過嘅嘢：大家選一男一女，你最唔要聽到佢唱歌嘅歌手！哈哈大笑﹗PS︰The one simply you don't wanna hear for long﹗呢一張相係我揀咗三男兩女嘅照片，然後做一個合成照，我個女幫我整嘅，實際上佢整得靚咗好多，本來嗰五張相都幾醜樣﹗再唚氣啲講一句：麻煩大家唔好淨係留言，唔好淨係瀏覽，請大家like我個post，follow我個page，多謝！」帖子引來不少網民熱議，紛紛寫下他們估計的歌手名字。
