吳浩康（Deep）將於周六（8日）舉行「吳浩康《男歌》演唱會」，他今天（7日）綵排時表示上月中才接到主辦方邀請，籌備時間比較急，但也是一個讓他好好發揮的機會，可藉此唱出男人之苦，及向其眼中的真漢子作出嘉許。Deep透露已邀請許廷鏗任表演嘉賓︰「我哋曾經喺工作時撞見，但未合作過，今次終於夾到期。我仲會喺演唱會上向太太（郭思琳）示愛﹗想搞喊佢？結婚時已想，但次次都係我喊先，喊到睇唔到佢有冇喊。」
張致恒（Steven）跟隨其步伐投身建築行業，Deep表示︰「地盤開工未遇過佢，大家各有各做，加油喇﹗最近市道差，地盤工作都減少，我諗緊做埋裝修學徒，希望學識唔同範疇，將來開工程公司，可以愈做愈大，增加收入。」Deep說他現在沒簽公司，將自資6位數為自己及樂隊Closer出歌。他感謝其音樂班底只收友情價，令他能在有限的資源內製作音樂。
